نئی دہلی ،28؍جون(ایس او نیوز؍آئی این ایس انڈیا)صدر کے لئے 17جولائی کو ہونے والے انتخابات کے لیے نامزدگی داخل کرنے کی آج آخری تاریخ ہے۔ابھی تک این ڈی اے امیدوار رام ناتھ کووند سمیت 64کاغذات نامزدگی بھرے جا چکے ہیں۔اپوزیشن کی امیدوار میرا کمار کی طرف سے آج پارلیمنٹ ہاؤس میں کانگریس صدر سونیا گاندھی اور سیتا رام یچوری اور ڈیریک اوبرائن سمیت دیگر اپوزیشن لیڈروں کی موجودگی میں اپنا اندراج بھرا۔اپوزیشن جماعتوں میں سے ہر لیڈر کو میرا کمار کے نام کی تجویز یا منظوری کرنے کا موقع ملے گا، نامزدگی بھرنے سے پہلے میرا کمار راج گھاٹ جا کر مہاتما گاندھی اور برابری سائٹ جاکر اپنے والد بابو جگ جیون رام کو خراج عقیدت پیش کیا۔اگرچہ ابھی تک 64نامزدگی بھری جا چکی ہیں، لیکن اصل امیدواروں کی تعداد 57سے کم ہے کیونکہ ان میں سے کچھ نے کئی کاغذات نامزدگی بھرے ہیں۔ایک امیدوار زیادہ سے زیادہ چار نسخے بھر سکتا ہے۔پی ایم مودی اور بی جے پی کے سینئر لیڈروں لال کرشن اڈوانی اور مرلی منوہر جوشی سمیت اہم رہنماؤں نے بہار کے سابق گورنر کووند کے نام کی تجویز پیش کی تھی۔بہت سے مرکزی وزراء اور اراکین اسمبلی نے 23جون کو منظور کیا تھا۔

کچھ کاغذات نامزدگی الیکشن افسر نے موقع پر ہی مسترد کر دیئے تھے، کیونکہ ان کے ساتھ 15ہزار روپے کی ضمانت کی رقم نہیں تھی۔اس بات کا سرٹیفکیٹ نہیں تھا کہ امیدوار کسی لوک سبھا علاقے کا مصدقہ ووٹر ہے۔میرا کمار اور کووند کے علاوہ دوسروں کے کاغذات نامزدگی 29جون کو مسترد ہونے کے آثار ہیں کیونکہ ان کے نامزدگی کاغذات میں 50تجاویز اور اتنے ہی افراد کے دستخط نہیں ہوں گے۔بتا دیں کہ لوک سبھا اور راجیہ سبھا اور ریاستی اسمبلیوں کے منتخب رکن صدر امیدوار کے نام کی تجویز اور منظوری دے سکتے ہیں کیونکہ اسی متناسب بنیاد پر صدر کا الیکشن کرتے ہیں۔